அகில உலக நடிகர்கள்...

அழகாக மிக அழகாக

நடிக்கின்றோம்

இயற்கை அரிதாரம்

பூசிய நடிகர்கள் நாம்



ஒவ்வொருவரின் முன்பும்

ஒவ்வொரு மணித்துளியும்

எத்தனை ரசங்களை

முகத்தில் கொட்டி

பூமி மேடையில்

நீ நானென

நடிப்புக்குள் நடிப்பாய்

நடித்துக்கொள்கின்றோம்



சில அரிதாரங்கள்

சில பொழுதுகளில்

அரங்கத்திலே

அழிந்து வழிகையிலும்

அரங்கம் நிறையங்கம்

புரிந்ததை அறியாமல்

நாமோ நடிப்பதை தொடர்ந்தபடியே

வேடிக்கைதான்



அரிதாரங்கள் அழிய அழிய

அடிக்கொன்றாய் பூசியபடி

அகில உலக நடிகர்கள் தாம்

நாம்............



சில மனங்கள்

தப்பெனத் தெரிந்தும்

தொடர்ந்து நடித்தபடியும்

நடிப்பது தெரிந்தும்

அதை ஏற்று

நடித்துக்கொள்கின்றது...

நரகத்துள் அமிழ்ந்து கொள்கின்றது