Jaya
Posts : 150 Join date : 2013-07-08
| Subject: உயிரின் உயில்... Wed Jul 10, 2013 12:58 am | |
| . உயிரின் உயில்... பலர் கண்முன்னே
காணும் தெய்வம்
காகிதத்தில்
வரைந்த உயிரின் உயில்
விண்ணையும்
விலையாக்கும் பெருமை
விளையாட்டிலும்
வெல்ல வைக்கும் திறமை
மனிதம்
அறிந்த மொழி
மரணமும்
தள்ளி நிற்கும் வெளி
பல கதவுகள்
திறக்க வைக்கும் சாவி
சில உயிர்களை
பிரித்து வைக்கும் பாவி
உறவுகளின்
உயிர்துடிப்பின் ஒலி
உணர்வுகளும்
தடம் மாறும் வெளி
உயர் வாழ்வு
தந்துவிடும் பதி
உருவான பாதை
மறக்கவைக்கும் மதி
கடலளவு
கரம் வந்தாலும்
போதாது போதாது
கண்மூடும் வரை
இதனாசை
தீராது தீராது
உடல் கொண்டு
உயிர் வந்ததே
உனை காணத்தானே
உயிரே
உணர்வே
உறவே எல்லாம்
உனை சேர்த்தால் தானே
உயிரில்லா
உயிர்மூச்சு நீயே
உறவுகளை
பிரித்துவிடும் பேயே
பணம்
என்பது தானே
உன் பெயர்
இப்பிணங்களின் தேடல்
இன்று
நீதான் நீதான்
நீ மட்டும்தான் | |
|